Молитва Преподобному Марону, пустыннику Сирийскому.

Молитва | Акафист | Житие | Иконы

Молитва Преподобному Марону, пустыннику Сирийскому


О, возлюбленная и священная главо, преподобне и Богоносне отче наш Мароне!
Назирай свыше милостивно нас грешных, и молися Всещедрому Владыце и всех благ Подателю Богу о соблюдении державы нашея, и да сохранит ее от всех врагов цело и неврежденно, во Господе нашем Иисусе Христе.
Буди же молебник и о нас недостойных. Ко Всеблагому Господу честнеи твои руце простри, и от Него милость и щедроты испроси, имиже от всех бед и лютых болезней нас сохрани, и от всяких страстей свободи, такожде от нестерпимыя и неутишимыя огневицы и трясавицы молитвами твоими избави нас и от нападения бесов; от видимых и невидимых врагов соблюди, и согрешениям нашим прощение испроси, и спасены Христу нас представи, во еже в день страшнаго суда, с радостию предстати нам пред лицем неизреченныя славы Его, и милостивное призвание в Царство Небесное от Него услышати, и в неизреченной радости преславную Его лица доброту узрети, благодатию и человеколюбием Господа Бога и Спаса нашего Иисуса Христа: яко держава Его благословена и препрославлена, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

ТРОПАРЬ, ГЛАС 4
Яко незаходимое солнце возсия нам днесь светозарными твоими молитвами, преподобне отче наш Мароне, иже некия горы достигл, и тамо на ней живущими нечестивыми чтом бысть, за превозходящую твою к Богу добродетель, и тамо обрет требище идольское, Богу освятив, в нем пребывал еси; и видев Человеколюбец Бог твой подвиг и труды, дарова тебе дар Свой, имже пронесеся имя твое в человецех, целити скорби, огневицу и трясавицу прибегающим к тебе с верою. Темже и зовем: радуйся, целителю наш скорый, радуйся, заступниче наш теплый; предстоиши бо у Пресвятыя Троицы, молися Той о призывающих имя твое святое, да избавимся от сих тяжких скорбей и спасет души наши.
ИН ТРОПАРЬ, ГЛАС 2
Фарисейскаго тщеславия удаляяся, преподобне отче наш Мароне, на гору высокую возшел еси, и тамо победу показал еси на диавола: требище бо бесовское обрет и Богу освятив, в нем пребыл еси, молитвами твоими огневицу и трясавицу утоляя, и бесы прогоняя, и от различных недуг свобождая. Того ради, святе, молися Христу Богу, да спасет души наша.
КОНДАК, ГЛАС 5
Страстей пещь, преподобне, угасил еси, воздержания росою. Дарованием обогатился еси исцелений от Бога, Мароне, приял еси целити верным болезни тяжкия, и бесов отгонити полки. Сего ради с веселием почитаем тя.

Молитва | Акафист | Житие | Иконы

Молитвы святых. Святые угодники. Иконы.

Иные православные молитвы, святые угодники, чудотворные иконы:

Молитвенное правило
Православный пост. многодневные и однодневные посты
Молитвы святой великомученице Екатерине
Молитвы святым семи отрокам Ефесским
Икона Божией Матери "Державная"
Акафист епископу Тихону Воронежскому чудотворцу
Преподобный Алипий иконописец Печерский
Акафист преподобному Моисею Угрину
Канон Преподобному Паисею Великому об избавлении от мук умерших без покаяния
Икона Святой благоверный князь Даниил Московский
Икона Божьей Матери Спорительница хлебов
Весь Православный раздел ...



^Наверх