Главная --> Святые Угодники Божьи --> Акафист Гавриилу Белостокскому

Акафист мученику младенцу Гавриилу Белостокскому.

Молитва | Акафист | Житие | Иконы

Акафист мученику младенцу Гавриилу Белостокскому

КОНДАК 1

ИЗБРАННЫЙ МЛАДЕНЧЕ ХРИСТОВ ГАВРИИЛЕ, ВЕЛИЧАЕМ ПРОСЛАВЛЬШАГО ТЯ ГОСПОДА, ВОСХВАЛЯЕМ ТЯ ЛЮБОВИЮ, ТВОЕ ДЕТСКОЕ НЕЗЛОБИЕ И СТРАСТИ ЧЕСТНАЯ ВОСПЕВАЕМ. ТЫ ЖЕ ЯКО ПТЕНЕЦ НЕПОРОЧЕН ОТ ЧРЕВА МАТЕРЕ БОГОМ ПРЕДУСТАВЛЕННЫЙ И ГОРНЕМУ ЗВАНИЮ СОПРИЧТЕННЫЙ, НА НЕБЕСАХ ПРЕДСТОЯ, ЗА НАС МОЛИСЯ ДА ЗОВЕМ ТИ: РАДУЙСЯ ГАВРИИЛЕ, МУЧЕНИЧЕ ХРИСТОВ И ОТРОЧА ЧИСТЕЙШЕЕ.

ИКОС 1

АНГЕЛ СВЕТЕЛ НА ЗЕМЛИ ЯВЛИСЯ ЕСИ, ГАВРИИЛЕ, ЯКО МЛАДЕНЕЦ БЫВ НИЧТОЖЕ СКВЕРНАЯ СОВЕРШИВЫЙ. ТЕМЖЕ ХРИСТОС, ОТ ЗЕМЛИ ВОСПРИИМЫЙ, НЕБЕСНАЯ ВРАТА ТЕБЕ ОТВЕРЗЕ ИЗБРАННЫМ СОЧЕТАВАЯ, С НИМИЖЕ НЕПРЕСТАННО ВОСХВАЛЯЕМ ПРЕСВЯТУЮ ТРОИЦУ. ТОГО РАДИ УСЛЫШИ НАС, ПОЮЩИХ ТЕБЕ НА ЗЕМЛИ СИЦЕВАЯ: РАДУЙСЯ БЛАГОВОННЫЙ СОСУДЕ АНГЕЛЬСКИЯ ЧИСТОТЫ. РАДУЙСЯ БЛАГОЧЕСТИВЫХ РОДИТЕЛЕЙ ТВОИХ ПЕТРА И АНАСТАСИИ ОТРАСЛЕ ПРЕЧУДНАЯ. РАДУЙСЯ МЛАДЕНСТВУЮЩИХ КРАСОТО. РАДУЙСЯ, ЯКО ЖИТИЕ ТВОЕ БЕЗГРЕШНО. РАДУЙСЯ, ЯКО ЧЕСТНА СМЕРТЬ ТВОЯ ПРЕД БОГОМ. РАДУЙСЯ В .МЛАДЕНЧЕСТВЕ КРЕСТ ХРИСТОВ ВОЗЛЮБИВ ПОНЕСЫЙ. РАДУЙСЯ НЕИЗРЕЧЕННУЮ СЛАВУ БОЖИЮ НА НЕБЕСИ ЗРЕТИ СПОДОБИВЫЙСЯ . РАДУЙСЯ ГАВРИИЛЕ, МУЧЕНИЧЕ ХРИСТОВ И ОТРОЧА ЧИСТЕЙШЕЕ.

КОНДАК 2

ВИДЯ ХРИСТОС ПРИСНОЕ НАНЬ ВОЗСТАНИЕ ЖЕСТОКОСЕРДЫХ ЛЮДЕЙ, НАРЕЧЕ ТЯ, ГАВРИИЛЕ - МЛАДЕНЦА СОВЕРШЕННА, ВОИНОМ НЕБЕСНЫМ ДОБРОПОБЕДНЫМ, ДА СТРУЯМИ КРОВЕЙ ТВОИХ ЧИСТЕЙШИХ НЕЧЕСТИЕ БОГОБОРЦЕ В ПОСЕЧЕИ ТЕХ ПОСРАМИ И ДА ТОБОЮ ВИДЯЩЕ ВЕЛИЧИЯ БОЖИЯ И ВЕЛИЧИЯ ЦЕРКВИ НАШЕЯ ЛЕПОТНО ПОЕМ В ТРОИЦЕ СЛАВИВОМУ БОГУ: АЛЛИЛУИА.

ИКОС 2

РАЗУМ ХРИСТОУБИЙСТВОМ НЕДУГУЮЩИЙ ИМУЩЕ, МУЧИТЕЛЬ РОДИТЕЛЕМ ТВОИМ НА МАЛО ВРЕМЯ ИЗ ДОМУ ИЗШЕДШИМ, ЛЕСТИЮ ЯТ ТЯ, ГАВРИИЛЕ, И ВО ГРАД БЕЛОСТОК УВЕЗЕ. ОТ ЧИСТЫЯ ТВОЕЯ КРОВЕ АКИ ЗВЕРЬ ХИЩНЫЙ ЖАЖДАЙ НАСЛАДИТИСЯ. ЕГДАЖЕ БЕЗКРОВЕН И МЕРТВ БЫЛ ЕСИ, МУЧИТЕЛИЕ НИЗРИНУВШЕ ТЯ НА НИВУ ЖИТНЮ ЗЕЛЕНУ БЛИЗ ВЕСИ ЗВЕРКИ ТВОЕ ВЕРГОША. ТАКОВОМУ УБО ПОДВИГУ ВО СТРАДАНИИ ТВОЕМ ДИВЯШЕСЯ, ВОПИЕМ ТИ: РАДУЙСЯ ТАЙНЫХ УБИЙЦ ЖЕРТВА КРОТКАЯ. РАДУЙСЯ ПРЕТЕПРЕВЫЙ СТРАШНЫЯ, МУЧЕНИЯ. РАДУЙСЯ ЯВЛЬШИЙ НА СЕБЕ ХРИСТОВЫХ СТРАСТЕЙ ИЗОБРАЖЕНИЕ. РАДУЙСЯ ПОСЛАННЫЙ ОТ ГОСПОДА ОБЛИЧИТИ ЗАБЛУЖДЕНИЯ. РАДУЙСЯ УТВЕРЖДЕНИЕ ВЕРЫ. РАДУЙСЯ ЦЕРКВЕ СРЕТИЛЬНИЧЕ НЕМЕРКНУВШИЙ. РАДУЙСЯ. ЯКО СОПРИЧТЕН ЕСИ ЛИКОМ МУЧЕНИКОВ. РАДУЙСЯ, ЯКО МУЧЕНЬМИ ТВОИМИ ПРОСЛАВИСЯ ОТЕЦ НЕБЕСНЫЙ. РАДУЙСЯ ГАВРИИЛЕ, МУЧЕНИЧЕ ХРИСТОВ И ОТРОЧА ЧИСТЕЙШЕЕ.

КОНДАК 3

СИЛОЮ ВСЕВЫШНЯГО, УКРЕПЛЯЕМ НА КРЕСТЕ, ПРОСТЕРТ БЫВ, МУЧЕНИЧЕ ЧИСТЕЙШИЙ, ПОЧИЛ ЕСИ В СКИНИЯХ НЕБЕСНЫХ, ЗВЕРООБРАЗНОЕ КРОВОПРОЛИТИЕ ОБЛИЧИВ И ЯРОСТНОЕ НЕЧЕСТИЕ УЯЗВИВ. РАДУЯСЯ ЖЕ ВОСПЕЛ ЕСИ СО ВСЕМИ СТРАСТОТЕРПЦЫ ПОБЕДНУЮ ПЕСНЬ БОГУ: АЛЛИЛУИА

ИКОС 3

ИМУЩЕ, МУЧЕНИЧЕ БОЖИЙ,. НЕБО ПОКРОВОМ И НИВУ ЗЕЛЕНУ ОДРОМ УПОКОЕНИЯ, НА НЕЙ ТРИЕ ДНИЕ БЕЗВЕСТНЕ НЕПОГРЕБЕН ПРЕБЫЛ ЕСИ. ТМЫ ПТИЦ ХИЩНЫХ, С НИМИЖЕ ПСОВ АЛЧНЫХ МНО­ЖЕСТВО НЕПОРОЧНОЕ ТЕЛО ТВОЕ ТОГДА ОКРУЖАХУ, ОБАЧЕ ПРИКОСНУТИСЯ ЕМУ НИКАКОЖЕ ДЕРЗАЮЩЕ. ПСИ БО МУДРИИ ТЕЛУ ТВОЕМУ ОТ ПТИЦ ХИЩНЫХ СТРАЖЕЮ БЫША. О СЕМ ЗНАМЕНИЕ БОЖИЕ РАЗУМЕЮЩЕ ГЛАГОЛЕМ: РАДУЙСЯ БОГОЛЮБЕЗНОЕ ЧАДО ХРИСТОВО. РАДУЙСЯ ДИВНАГО СМОТРЕНИЯ БОЖИЯ ИСПОЛНЕНИЕ. РАДУЙСЯ СЫНУ БОЖИЮ ВОЖДЕЛЕННЫЙ. РАДУЙСЯ ПРАВЕДНИКОМ СВЯТЫМ ЕДИНОНРАВНИЧЕ. РАДУЙСЯ ПТЕНЕЦ ЧИСТЫЙ,В ГНЕЗДА НЕБЕСНЫЯ ПРИЯТЫЙ. РАДУЙСЯ РАЙСКАГО ДРЕВА ВЕТВЬ МЛАДАЯ. РАДУЙСЯ НЕБЕСНЫХ СВЕТЛОСТЕЙ СИЯНИЕ. РАДУЙСЯ СВЕТЛАЯ ЗВЕЗДО, НА ТВЕРДИ НЕБЕСНЕЙ БЛИСТАЮЩАЯ. РАДУЙСЯ ГАВРИИЛЕ, МУЧЕНИЧЕ ХРИСТОВ И ОТРОЧА ЧИСТЕЙШЕЕ.

КОНДАК 4

БУРЯ ВОЛНЕНИЯ ОДЕРЖИТ НЫ, СТРАСТОТЕРПЧЕ МЛАДЫЙ, ЕГДА ЛЮТУЮ СМЕРТЬ ТВОЮ ПОМЫШЛЯЕМ И ЧУДО ПРЕЕСТЕСТВЕННОЕ ЗРИМ НА ТЕБЕ ЯВЛЕННОЕ, ЯКО БО МЛАДЕНЕЦ БЫВ ТЕЛОМ, МУЖЕМ СОВЕРШЕННЫМ ТЕРПЕНИЕМ В СТРАДАНИИ ТВОЕМ ЯВИЛСЯ ЕСИ. ТЕМ УБО ПОДВИГ ТВОЙ СТРАСТНЫЙ УМОМ СОЗЕРЦАЮЩЕ, ВОСПЕВАЕМ ДАВШЕМУ ТИ КРЕПОСТЬ: АЛЛИЛУИА.

ИКОС 4

СЛЫШАВШЕ РОДИТЕЛИЕ ТВОЯ ОТ НАСЕЛЬНИКОВ ВЕСИ ЗВЕРКОВСКИЯ, ЯКО ЧАДО ИХ НА МЕСТЕ ПУСТЕ ОТ ТРИЕХ ДНИЙ БЕЗДЫХАННО ОБРЕТАЕТСЯ, ПРИИДОША И КОНЧИНУ ТВОЮ БЕЗВРЕМЕННУ ОПЛАКАВШЕ, ЧЕСТНОЕ ТЕЛО ТВОЕ НА ЦЕРКОВНЫЙ ПОГОСТ ПРИ-НЕСОША И БЛИЗ ЦЕРКВЕ ВЕСИ ТВОЕЯ ЗВЕРКИ ПОГРЕБОША, БЕЗЧЕЛОВЕЧНОМУ МУЧИТЕЛЕЙ ЗЛОДЕЯНИЮ КУПНО СО ВСЕМИ ЕДИНО­ВЕРНЫМИ УЖАСАХУСЯ. МЫ ЖЕ, ДИВЯЩЕСЯ ТВОЕМУ ТЕРПЕНИЮ, ВОСХВАЛЯЕМ СТРАСТИ ТВОЯ И УМИЛЕННО ВЗЫВАЕМ: РАДУЙСЯ, МЛАДАЯ ВЕТВЬ ИСКУСА МИРСКИХ СЛАСТЕЙ НЕ ВКУСИВША. РАДУЙСЯ ЗЕМНЫХ БЛАГ ЛИШЕННЫЙ, ДА НЕБЕСНЫХ ПРИЧАСТНИКОМ ЯВИШИСЯ. РАДУЙСЯ ШЕСТИ ЛЕТ ОТ УБИЙЦ ПОГУБЛЕННЫЙ. РАДУЙСЯ В ВЕЧНОЕ ЦАРСТВО ВСЕЛИВЫЙСЯ. РАДУЙСЯ БЕЗВРЕМЕННЫЙ ПРЕСТАВЛЕНИЕМ СВОИМ УТРОБЫ ОТЦА И МАТЕРЕ ТВОИХ СМУТИВЫЙ. РАДУЙСЯ, ЯКО «СКОРБЬ ИХ В РАДОСТЬ ВЕЛИЮ ПРЕМЕ-НИЛСЯ. РАДУЙСЯ, ЯКО ПРАВЕДНИК ЯВИЛСЯ ЕСИ ВЛАДЫЦЕ. РАДУЙСЯ ПОДРАЖАТЕЛЮ СТРАСТЕЙ ХРИСТОВЫХ. РАДУЙСЯ ГАВРИИЛЕ, МУЧЕНИЧЕ ХРИСТОВ И ОТРОЧА ЧИСТЕЙШЕЕ.

КОНДАК 5

БОГОТЕЧНОЮ ЗВЕЗДОЮ БЫЛ ЕСИ В МИРЕ, ЧАДО БЛАЖЕННОЕ ГАВРИИЛЕ, БЛИСТАЯ АНГЕЛЬСКОЮ ЧИСТОТОЮ, ТЕМЖЕ НЫНЕ СИЯЕШИ НА НЕБЕСЕХ СЛАВОЮ ВЕЧНОЮ С ЛИКИ ПРАВЕДНИК, С НИМИЖЕ НЕПРЕСТАННО ВЗЫВАЕМ ЦАРЮ СЛАВЫ-ХРИСТУ: АЛЛИЛУИА.

ИКОС 5

ВИДЯ РАВНОАНГЕЛЬСКУЮ ЧИСТОТУ СЕРДЦА ТВОЕГО. КРОТОСТЬ И НЕЗЛОБИЕ, В НИХЖЕ МУЧЕНИЧЕСКИ ПРЕСТАВИЛСЯ ЕСИ, ГАВРИ­ИЛЕ, ПРОСЛАВИ ТЯ ВО СВЯТЫХ СВОИХ БОГ, ВОИСТИНУ БО ЧУДО ПРЕСЛАВНО - ПО ТРИДЕСЯТЕХ ЛЕТЕХ ТЕЛО ТВОЕ НЕТЛЕННО ОБРЕТЕСЯ, ИСТОЧНИК ИСЦЕЛЕНИЙ ВСЕМ С ВЕРОЮ К ТЕБЕ ПРИТЕКАЮЩИМ ЯВЛЯШЕ. ПРИИМИ УБО ОТ НАС ПОХВАЛУ СИЮ: РАДУЙСЯ ПРИЯТЕЛИЩЕ БЛАГОДАТИ. РАДУЙСЯ НЕТЛЕНИЕМ МОЩЕЙ ТВОИХ ВЕЛИЧАЙШИЯ РАДОСТИ ИСПОЛНИВЫЙ.РАДУЙСЯ ИСТОЧНИЧЕ ЧУДЕСНЫХ ИСЦЕЛЕНИЙ. РАДУЙСЯ, ЯКО ГОСПОДЬ СИЛ НА ТЕБЕ ДИВНАЯ ЯВИЛ ЕСТЬ. РАДУЙСЯ НЕВЕРИЕ МУЧИТЕЛЕЙ НИЗЛОЖИВЫЙ. РАДУЙСЯ КРОВИЮ СВОЕЮ ПРАВОВЕРИЕ УТВЕРДИВЫЙ. РАДУЙСЯ В РАДОСТЬ ГОСПОДА НАШЕГО ВШЕДЫЙ. РАДУЙСЯ МОЛИТВЕННИЧЕ НАШ ПРЕД БОГОМ. РАДУЙСЯ ГАВРИИЛЕ, МУЧЕНИЧЕ ХРИСТОВ И ОТРОЧА ЧИСТЕЙШЕЕ.

КОНДАК 6

ПРАВОСЛАВНАЯ ЦЕРКОВЬ ХРИСТОВА ПРОСЛАВЛЯЕТ ТВОЯ, МЛАДЕНЧЕ ГАВРИИЛЕ, СТРАСТИ, РАНЫ И МУКИ, О БОЗЕ ТОБОЮ ПОДЪЯТЫЯ ИХЖЕ РАДИ ДИВНО ПРОСЛАВИ ТЯ ГОСПОДЬ И ТЕЛО ТВОЕ НЕТЛЕННО ЗЕМЛИ БЕЛОСТОЦЦЕЙ ЯВИ, ДА С УМИЛЕНИЕМ ЗОВЕМ:АЛЛИЛУИА.

ИКОС 6

ВОЗСИЯ НАМ НОВОЕ ЧУДО, ПРОМЫШЛЕНИЯ БОЖЕСТВЕННОГО ТАЙНУ ЯВЛЯЮЩЕ. ЕГДА ЦЕРКОВЬ ЗВЕРКОВСКАЯ В ПЛАМЕНИ ОГНЯ ПОГИБЕ, ОБАЧЕ МОЩИ ТВОЯ СВЯТЫЯ ПОД СПУДОМ ЕЯ ХРАНЯЩИЯ-СЯ, НЕВРЕЖДЕННЫ ОБРЕТОШАСЯ. О СЕМ ДИВЯЩЕСЯ, ВЕРОЮ С ЧИСТЫМ СЕРДЦЕМ ВОЗГЛАШАЕМ ТИ, ПРОСЛАВЛЕННЫЙ МЛАДЕНЧЕ ГАВРИИЛЕ: РАДУЙСЯ ИСПОЛНИВЫЙ НА СЕБЕ СЛОВО БОЖИЕ, ЯКО ХРАНИТ ГОСПОДЬ КОСТИ ПРАВЕДНЫХ. РАДУЙСЯ УТВЕРДИВЫЙ СЛОВО ХРИСТА БОГА, ЯКО ВЛАС ГЛАВЫ ВАШЕЯ НЕ ПОГИБНЕТ. РАДУЙСЯ СОКРОВИЩЕ ДУХОВНОЕ ВЕРНЫХ БОГАТЯЩЕЕ. РАДУЙСЯ ОТРАДНЫМ УПОВАНИЕМ НА СПАСИТЕЛЬНАЯ ОБЕТОВАНИЯ НАС ВЕСЕЛЯЩИЙ. РАДУЙСЯ НА НЕБЕСИ И НА ЗЕМЛИ АНГЕЛЫ И ЧЕЛОВЕКИ ДОСТОЙНО ВОЗЛЮБЛЕННЫЙ. РАДУЙСЯ МОЛИТВАМИ ТВОИМИ СОЗДАТЕЛЯ УМИЛОСТИВЛЯЯЙ. РАДУЙСЯ ИЗБРАННИЧЕ БОЖИЙ. РАДУЙСЯ ПСАЛТИРЕ СЛАВУ ТВОРЦА ВОЗВЕЩАЮЩАЯ. РАДУЙСЯ ГАВРИИЛЕ, МУЧЕНИЧЕ ХРИСТОВ И ОТРОЧА ЧИСТЕЙШЕЕ.

КОНДАК 7

ХОТЯЙ ЧЕЛОВЕКОЛЮБЕЦ ГОСПОДЬ ЯВИТИ В ТЕБЕ ОБРАЗ НАЗИДАНИЯ ЧЕЛОВЕКОМ, ПОКАЗА ТЯ, ГАВРИИЛЕ, СУГУБА СТРАСТОТЕРПЦА, СТРЕМЛЕНИЯ БОГОХУЛЬНИК СОКРУШАЮЩА, ДА И МЫ ДОБРОДЕТЕЛЕМ ТВОИМ, В НИХЖЕ БЛИСТАЕШИ, ПОРЕВНУЕМ И ЦАРСТВИЕ НЕБЕСНОЕ НАСЛЕДИМ, ДИВНОМУ В СВОЕМ ПРОМЫШЛЕНИИ БОГУ ВОСПЕВАЯ: АЛЛИЛУИА.

ИКОС 7

НОВЫЙ СВЕТИЛЬНИК ПРЕСВЕТЛЫЙ, НЕ ПОД СПУДОМ СОКРЫВАЕМЫЙ, НО НА СВЕЩНИЦЕ ЦЕРКВЕ ХРИСТОВОЙ ПОСТАВЛЕННЫЙ И ОТ БОГА ПРОСЛАВЛЕННЫЙ ЯВИЛСЯ ЕСИ, СВЯТЫЙ ГАВРИИЛЕ, ТЬМУ РАЗСЕЕВАЮЩИЙ И ХРИСТУ ПРОТИВЯЩИЯСЯ БОГОБОРЦЫ КРЕПКО ПОБЕЖДАЮЩИЙ. ТОГО РАДИ ПЕСНОСЛОВИМ ТЯ СИЦЕ: РАДУЙСЯ МНОГИ СКОРБИ ОТ МУЧИТЕЛЕЙ ПРЕТЕРПЕВЫЙ. РАДУЙСЯ ТЕХ ЗЛОБУ И КОВАРСТВО ПОБЕДИВЫЙ. РАДУЙСЯ ПРАВУЮ ВЕРУ ВО ИСТИННАГО В ТРОИЦЕ ПРОСЛАВЛЯЕМАГО БОГА ХРАНИТИ НАС НАУЧАЮЩИЙ. РАДУЙСЯ СТОПЫ НАША НА ПУТЬ СПАСЕНИЯ НАПРАВЛЯЮЩИЙ. РАДУЙСЯ ЗА ПРОБОДЕННАГО ХРИСТА БОГА МНОЖЕСТВО РАН ПРИ­ЯВШИЙ. РАДУЙСЯ, ЯКО О НЕМ НА НЕБЕСИ ПРОСЛАВЛЯЕШИСЯ. РАДУЙСЯ СЛАБО ПРАВОСЛАВНЫХ ЛЮДЕЙ ЧЕСТНАЯ. РАДУЙСЯ, ТОБОЮ БО ПОСЕТИ ГОСПОДЬ ЗЕМЛЮ НАШУ. РАДУЙСЯ ГАВРИИЛЕ, МУЧЕНИЧЕ ХРИСТОВ И ОТРОЧА ЧИСТЕЙШЕЕ.

КОНДАК 8

СТРАННОЕ И ПРЕСЛАВНОЕ ЗНАМЕНИЕ БЛАГОВОЛЕНИЯ БОЖИЯ ВИДИТСЯ НА ТЕБЕ ВСЕМ ПРИТЕКАЮЩИМ К ТЕБЕ. ГАВРИИЛЕ, ДАН­НОЮ БО ТЕБЕ БЛАГОДАТЬЮ С ВЕРОЮ ПРОСЯЩИХ ОТ ВСЯКИХ НА­ПАСТЕЙ ОХРАНЯЕШИ, ОТ СКОРБЕЙ СВОБОЖДАЕШИ И ВСЯКО ПРО­ШЕНИЕ С ВЕРОЮ ПРИНОСИМОЕ ИСПОЛНЯЕШИ, НАУЧАЮЩЕ ДИВНОМУ ВО ЧУДЕСЕХ СВОИХ БОГУ ПЕТИ: АЛЛИЛУИА.

ИКОС 8

ВЕСЬ В ЯЗВАХ, ИСКЛАН И ОБЕЗКРОВЛЕН БЫВ, ГАВРИИЛЕ, ПРЕ­ДАЛ ЕСИ ПРАВЕДНЫЙ ДУХ ТВОЙ В РУЦЕ БОЖИЙ, ОТ СТРАДАНИЙ УПОКОЕВАЯСЯ, ЖИТЕЙСКИХ ЗОЛ И ПЕЧАЛЕЙ ЗЕМНЫХ НЕПРИЧАС­ТЕН БЫВ. О СЕМ ПРАВЕДНЫМ В БОЗЕ УПОКОЕНИИ СО УМИЛЕНИЕМ ВСПОМИНАЮЩЕ, СИЯ ПРИНОСИМ ТЕБЕ ГЛАГОЛЫ: РАДУЙСЯ НЕПО­РОЧНЫЙ ВО УСПЕНИИ ТВОЕМ. РАДУЙСЯ НА ЛОНО АВРААМА АН­ГЕЛЫ ВОЗНЕСЕННЫЙ. РАДУЙСЯ ВО ОБИТЕЛИ РАЙСКИЯ СО СЛА­ВОЮ ВОСПРИЯТЫЙ. РАДУЙСЯ ВЕНЦЕМ БЕЗСМЕРТИЯ ОТ ГОСПОДА УВЕНЧАННЫЙ. РАДУЙСЯ ХРИСТА БОГА БЛАГИЙ ПОСЛЕДОВАТЕЛЮ. РАДУЙСЯ. ЯКО ТВОЕГО МЛАДЕНСТВА ЕСТЬ ЦАРСТВО НЕБЕСНОЕ. РАДУЙСЯ, ЯКО ВСЕМ ВЕРНЫМ ВОСПОМИНАНИЕ ТВОЕ ПРЕСЛАДКО. РАДУЙСЯ ГАВРИИЛЕ, ТМХЧЕНИЧЕ ХРИСТОВ И ОТРОЧА ЧИСТЕЙШЕЕ.

КОНДАК 9

ВСЯК ЗЕМНОРОДНЫЙ СЛЫШАНИЕМ О МУКАХ ТВОИХ, КРОТКИЙ МЛАДЕНЧЕ, УМИЛЯЕТСЯ И СТРАСТИ ТВОИ ПОЧИТАЕТ. ЦЕРКОВЬ ЖЕ ПРАВОСЛАВНАЯ МУЧЕНИЧЕСКУЮ КОНЧИНУ ТВОЮ ПОЧИТАЕТ И О ИМЕНИ ТВОЕМ СВЯТОМ ЛИКОВСТВУЕТ, РАДОСТНО ПОЯ: АЛЛИ-ЛУИА.

ИКОС 9

ВИТИИ МНОГОГЛАГОЛИВАЯ, ОКОМ РАЗУМА СМОТРЯЩИЙ И СУЕ-ГЛАГОЛИВЫМИ УСТЫ ИЗЪЯСНЯЮЩИМИ ПРЕМУДРОСТЬ ТВОРЧЕСКУЮ УСТРОЕНИЯ ВСЕЛЕННЫЯ, НЕДОУМЕВАЕТ, ЧЕСО РАДИ СТРАДАНИЯ НЕПОРОЧНЫХ МЛАДЕНЦЕВ БЫВАЮТ. МЫ ЖЕ, ТАИНСТВУ СЕМУ ДИ-ВЯЩЕСЯ, ВОЗГЛАШАЕМ ТИ, ГАВРИИЛЕ СВЯТЕ, ЗОВУЩЕ: РАДУЙСЯ, ЯКО СТРАДАНИЯ ТВОЯ СТРАДАНИЯМИ ПРОЧИХ ПРАВЕДНИК РАВ-НОЧЕСТНЫ. РАДУЙСЯ, ЯКО ВО СТРАДАНИИ ТЕЛА ЗА НЫ СТРАДАВ­ШЕМУ СОРАСПЯЛСЯ ЕСИ. РАДУЙСЯ СИЯНИЕ ТВОРЧЕСКИЯ ПРЕМУД­РОСТИ. РАДУЙСЯ БОЖЕСТВЕННОЕ О ЗЕМНОРОДНЫХ ПРОИЗВОЛЕ­НИЕ. РАДУЙСЯ ГЛАС НЕБЕСНЫЙ, НА ПОДВИГ СПАСЕНИЯ ВСЕХ ПРИЗЫВАЮЩИЙ. РАДУЙСЯ ПЕРСТЕ БОЖИЙ, ГОРНЯЯ НАМ УКАЗУЮ­ЩИЙ. РАДУЙСЯ, ЯКО ХРИСТУ ЦАРЮ МОЛИТВЫ О НАС ПРИНОСИШИ. РАДУЙСЯ ГАВРИИЛЕ, МУЧЕНИЧЕ ХРИСТОВ И ОТРОЧА ЧИСТЕЙШЕЕ.

КОНДАК 10

СПАСТИСЯ ХОТЯЩИМ СВЯТЫЙ МУЧЕНИЧЕ, СТРАДАНИИ СВОИМИ ОБРАЗ ЯВЛЯЕШИ ПРАВАГО ШЕСТВИЯ К БОГУ, ДОБРОДЕТЕЛИ И ПЛОДОВ ПРИНОШЕНИЯ. НАСЛАЖДАЯСЯ ЖЕ НЫНЕ НЕБЕСНЫХ БЛАГ НЕИЗРЕЧЕННЫХ. ПОМЯНИ И НАС.ЗДЕ НА ЗЕМЛИ СТРАДАНИЯ ТВОЯ ВОСХВАЛЯЮЩИХ И БОГУ ПОЮЩИХ: АЛЛИЛУИА.

ИКОС 10

СТЕНА НЕСОКРУШИМА ЕСИ, ГАВРИИЛЕ, ВСЕМ СКОРБЯЩИМ И НА-ПАСТВУЕМЫМ, ПРИЗЫВАЮЩИМ ЖЕ ТЕБЕ, МЛАДЕНЧЕ, В БОЛЕЗНИ СУЩИМ И МАТЕРЕМ, О ЧАДЕХ СВОИХ СКОРБЯЩИМ, ОСЛАБУ И УТЕ­ШЕНИЕ ПРЕДСТАТЕЛЬСТВОМ ТВОИМ ПОДАЕШИ. ТЕМЖЕ ЗА ВСЯ БЛАГОДЕЯНИЯ, ТОБОЮ НАМ ЯВЛЯЕМАЯ, БЛАГОДАРСТВЕННО ВОС­КЛИЦАЕМ: РАДУЙСЯ ХРАНИТЕЛЮ НАШ КРЕПКИЙ. РАДУЙСЯ ЗАСТУ-ПНИЧЕ НАШ УСЕРДНЫЙ. РАДУЙСЯ МЛАДЕНЦЕВ НЕБЕСНЫЙ ПОКРО­ВИТЕЛЮ. РАДУЙСЯ БОЛЯЩИХ И НЕДУЖНЫХ ЧАД БЛАГИЙ ЦЕЛИТЕ­ЛЮ. РАДУЙСЯ МАТЕРЕМ, ИЩУЩИМ УПОКОЕНИЯ О ЧАДЕХ ОТШЕД-ШИХ, СКОРЫЙ УТЕШИТЕЛЮ. РАДУЙСЯ МЯТУЩИХСЯ ПОМЫСЛАМИ УМИРОТВОРИТЕЛЮ. РАДУЙСЯ ЧИСТОТЫ ДУШЕВНЫЯ НАЗИДАТЕЛЮ. РАДУЙСЯ УГОДНИЧЕ БОЖИЙ. РАДУЙСЯ ГАВРИИЛЕ, МУЧЕНИЧЕ ХРИ­СТОВ И ОТРОЧА ЧИСТЕЙШЕЕ.

КОНДАК 11

ПЕНИЕ, ЕЖЕ ПРИНОСИМ ТИ. ГАВРИИЛЕ, НЕСТЬ ДОВОЛЬНО К ПОХВАЛЕНИЮ ПРЕСЛАВНЫХ ВО СТРАДАНИИ ПОДВИГОВ ТВОИХ. ОБАЧЕ ЗРЯЩЕ УСЕРДНОЕ НАШЕ ПРОИЗВОЛЕНИЕ, ПРИНОСИМОЕ НА­МИ ПЕНИЕ МИЛОСТИВНО ПРИИМЦ, НАС ЖЕ ОТ ГРЕХОВ И НАПАСТЕЙ СВОБОДИ, ДА ЧИСТЫМ СЕРДЦЕМ ЗОВЕМ СОЗДАТЕЛЮ НАШЕМУ:АЛЛИЛУИА.

ИКОС 11

СВЕТОМ БЛАГОДАТИ БОЖИЕЙ ОТ УТРОБЫ МАТЕРЕ ОЗАРЕННЫЙ, НЕТЛЕНЕН ВОЗШЕЛ ЕСИ К ТРИИПОСТАСНОМУ СВЕТУ, ПРЕД НИМ ЖЕ ХОДАТАЙСТВУЙ О НАШЕМ ПРОСВЕЩЕНИИ, О НЕМЖЕ МОЛЯЩЕ УМИ­ЛЬНО ВОПИЕМ ТИ: РАДУЙСЯ СВЕТЛЫЙ ЛУЧЕ ТРИСОЛНЕЧНАГО СВЕТА, ОЖИВЛЯЮЩАГО МИР. РАДУЙСЯ ТЕПЛОТО ДУХОВНАЯ, НАШУ ХЛАДНОСТЬ СОГРЕВАЮЩАЯ. РАДУЙСЯ СВЕТИЛЬНИЧЕ, НАШУ ТЕМ­НОТУ ПРОСВЕЩАЮЩИЙ. РАДУЙСЯ ПЛАМЕНЕ, НАС ВОЗГРЕВАЯЙ ВЕРЕ, ЛЮБВИ И НАДЕЖДЕ. РАДУЙСЯ ИЩУЩИМ ПРЕДСТАТЕЛЬСТВА ТВОЕГО ПРЕД БОГОМ БЛАГИЙ СПОСПЕШНИЧЕ. РАДУЙСЯ, ЯКО МНОГО МОЖЕТ МОЛИТВА ТВОЯ ПРЕД ЛИЦЕМ ЕГО. РАДУЙСЯ ГОР­НЯ ГО МИРА УКРАШЕНИЕ. РАДУЙСЯ ДОЛЬНЯГО МИРА ПОХВАЛО. РАДУЙСЯ ГАВРИИЛЕ, МУЧЕНИЧЕ ХРИСТОВ И ОТРОЧА ЧИСТЕЙШЕЕ.

КОНДАК 12

БЛАГОДАТЬ БОЖЕСТВЕННУЮ, НИКОГДАЖЕ ОСКУДЕВАЮЩУЮ, НО ВСЕГДА ВРАЧУЮЩУЮ, ИСПРОСИ НАМ, СВЯТЫЙ УГОДНИЧЕ БОЖИЙ, ДА НАУЧИТ НЫ ПОДРАЖАТИ ТЕБЕ В ЧИСТОТЕ АНГЕЛЬСТЕЙ И НЕЗ­ЛОБИИ, ДА НАПРАВИШИ СЕРДЦА НАША К ПЛАМЕННЕЙ МОЛИТВЕ И ПОКАЯНИЮ, ДА СОХРАНИТ НЕВРЕЖДЕННЫ С ЛЮБОВЬЮ ХРАНЯЩИХ ЗАПОВЕДИ ХРИСТОВЫ, ДА ДАРУЕТ НАМ ХРИСТИАНСКУЮ КОНЧИ­НУ, ДА СПОДОБИТ НА НЕБЕСЕХ УЗРЕТИ СЛАВУ БОЖИЮ И ВЫНУ ПЕТИ ПРЕСВЯТЕЙ ТРОИЦЕ ТРИСВЯТУЮ ПЕСНЬ: АЛЛИЛУИА.

ИКОС 12

ПОЕМ СТРАСТИ ТВОЯ, ГАВРИИЛЕ, СЛАВИМ ТВОЕ В МЛАДЕНЧЕС-ТЕМ ТЕЛЕСИ НЕЗЛОБИВОЕ МУЖЕСТВО, УБЛАЖАЕМ ПАМЯТЬ ТВОЮ, НА ТЕБЕ БО ЯВИСЯ СЛАВА ХРИСТОВА, СЛАВА ЦЕРКВЕ ПРАВОСЛА­ВНАЯ. ТЕМЖЕ ЛЮБОВИЮ ВОПИЕМ ТИ: РАДУЙСЯ ЖЕРТВО ЧИСТАЯ, ЗАКЛАННАЯ ВЛАДЫЦЕ О НАС ЗЕМНОРОДНЫХ. РАДУЙСЯ ПРОСЛА­ВИВШИЙ ГОСПОДА СТРАДАНЬМИ СВОИМИ. РАДУЙСЯ БЛАГ ВЕЧНЫХ НАСЛЕДНИЧЕ. РАДУЙСЯ ГРОЗДЕ ВИНОГРАДА ХРИСТОВА. РАДУЙСЯ ОТ ВРАГ ВСЯЧЕСКИХ КРЕПКИЙ НАШ ЗАСТУПНИЧЕ. РАДУЙСЯ СЛАВЫ НАМ ВЕЧНЫЯ ХОДАТАЙ. РАДУЙСЯ ВОИНЕ ХРИСТОВ ДОБРОПОБЕД-НЫЙ. РАДУЙСЯ МЛАДЕНЦЕВ ВЕРХОВНИЧЕ И ХРАНИТЕЛЮ. РАДУЙСЯ ГАВРИИЛЕ, МУЧЕНИЧЕ ХРИСТОВ И ОТРОЧА ЧИСТЕЙШЕЕ.

КОНДАК 13

О, НЕПОРОЧНЫЙ МУЧЕНИЧЕ ХРИСТОВ ГАВРИИЛЕ, МЛАДЕНЧЕСКАГО НЕЗЛОБИЯ И КРОТОСТИ ОБРАЗЕ ПРЕЧУДНЫЙ. МАЛАГО ТРУ­ДА СЕГО ДОСТОЙНОЕ ПЕНИЕ ПРИЯВ, БУДИ НАМ ТЕПЛЫЙ МОЛИТ­ВЕННИК ПРЕД ГОСПОДОМ. ДА ВО ДНИ НАШИ ЛУКАВЫЯ МАЛОВЕ­РИЕМ, ГНЕВОМ И БРАТОНЕНАВИДЕНИЕМ ОБУРЕВАЕМ ВСЯ, В ВЕРЕ, ТЕРПЕНИИ И ЛЮБВЕ СВЯТО ПРЕБУДЕМ. И ТАКО ВСЕ ЖИТИЕ НАШЕ ПРЕШЕД, ВЕЧНАГО МУЧЕНИЯ ИЗБАВИМСЯ И ПРИСНО ВОСПОЕМ БОГУ: АЛЛИЛУИА /3-ЖДЫ/.

Молитва | Акафист | Житие | Иконы

Молитвы святых. Святые угодники. Иконы.

Иные православные молитвы, святые угодники, чудотворные иконы:

Молитва ко святому великомученику Мине
Молитва святому Апостолу и Евангелисту Луке
Молитва Преподобному Григорию иконописцу Печорскому
Мученик Лонгин Сотник
Преподобные Зосима Савватий и Герман Соловецкие
Акафист Пресвятой Богородице перед Ея иконой именуемой Умягчение злых сердец или Семистрельная
Святой великомученик Георгий Победоносец
Святитель Мартин Милостивый
Преподобный Иосиф Волоцкий
Святитель Модест архиепископ Иерусалимский
Молитва иконе Божией Матери Козельщанская
Весь Православный раздел ...



^Наверх