Молитва святым мученикам Галактиону и Епистимии.

Молитва | Житие

Молитва святым мученикам Галактиону и Епистимии


Святии мученицы Галактионе и Епистимие! Призрите с небеснаго чертога на требующих вашея помощи и не отвергните прошений наших, но, яко приснии благодетели и ходатаи наши, молите Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго вашего заступления. Да молитвами вашими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию. Молитеся прилежно, святии мученицы, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно и во веки веков. Аминь.

ТРОПАРЬ, ГЛАС 4

Мученицы Твои, Господи, Галактион и Епистимия, во страданиих своих венцы прияша нетленныя от Тебе, Бога нашего, имуще бо крепость Твою, мучителей низложиша, сокрушиша и демонов немощныя дерзости. Тех молитвами спаси души наша.

КОНДАК, ГЛАС 2

Мученик Христовых полком причтостеся добре храбрствовавшим, светло подвизавшеся, Галактионе славне, с честною сопружницею и сострадавшею тебе Епистимиею, Единому Богу непрестанно молитсся о всех нас.

Молитва | Житие

Молитвы святых. Святые угодники. Иконы.

Иные православные молитвы, святые угодники, чудотворные иконы:

Молитва святому праведному Симеону Верхотурскому
Молитвы священномученику Харалампию
Молитва ко Пресвятой Богородице Неупиваемая Чаша
Молитва святым мученикам Галактиону и Епистимии
Икона Божией Матери именуемая Призри на смирение
Адриан и Наталия Акафист мученикам
Житие святых мучеников Антония Иоанна и Евстафия Виленских Литовских
Житие и страдание святого священномученика Киприана и святой мученицы Иустины
Канон святой преподобной Марии Египетской
Святой великомученик Георгий Победоносец
Молитвы к Пресвятой Богородице перед Ея иконой именуемой Утоли моя печали

Весь Православный раздел ...

... Запомнить сайт ... Ctrl+D




^Наверх