Молитва мученице Фомаиде Египетской.

Молитва | Житие | Иконы

Молитва мученице Фомаиде Египетской

О, всехвальная мученице Фомаидо!

За чистоту супружества даже до крове подвизавшися и целомудрия ради душу свою положивши, достойна пред Господем обрелася еси, во еже в лице преподобных дев почтенней тебе быти.

Услыши нас молящихся тебе, и якоже древле боримии от плоти целительницу тя имеяху, по дарованней тебе от Бога благодати, сице и ныне прибегающим ко предстательству твоему подаждь отраду и свобождение от плотския брани, и целомудренное житие и незазорное в супружестве и девстве пребывание твоими Богоприятными молитвами всем исходатайствовати потщися, яко да телеса наша храм живущаго в нас Святаго Духа будут.

О, преизбранная в женах и верная рабо Христова! Помози нам, да не погибнем со страстьми и похотьми нашими, но да управимся умом нашим и укрепимся сердцем нашим во всяком благочестии и чистоте, славяще твою помощь и предстательство, благодать же и милость Триединаго Бога, Отца и Сына и Святаго Духа, во веки веков. Аминь.

Тропарь мученице Фомаиде Египетской, Глас 4
Агница Твоя, Иисусе, Фомаида, зовет велиим гласом: Тебе, Женише мой, люблю, и Тебе ищущи страдальчествую, и сраспинаюся, и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою; но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

Кондак мученице Фомаиде Египетской, Глас 2
Храм твой всечестный яко цельбу душевную обретше, вси вернии велегласно вопием ти: дево мученице, Фомаидо великоименитая, Христа Бога моли непрестанно о всех нас.

Молитва | Житие | Иконы

Молитвы святых. Святые угодники. Иконы.

Иные православные молитвы, святые угодники, чудотворные иконы:

Православные праздники. Двунадесятые переходящие и непереходящие праздники
Молебны
Молитвы преподобному Сергию Радонежскому чудотворцу
Икона Божией Матери Целительница
Акафист блаженному Василию Христа ради юродивому Московскому чудотворцу
Акафист святому великомученику Мине
Акафист иже во святых отцу нашему Иоанну Златоустому архиепископу Константина града
Святитель Иоанн Златоуст архиепископ Константинопольский
Акафист преподобному Нилу Сорскому чудотворцу
Козельщанская икона Божией Матери
Страдание святых мучеников Космы и Дамиана Римских
Весь Православный раздел ...



^Наверх