Молитва святым мученикам Флору и Лавру.

Молитва | Акафист | Житие | Иконы

Молитва святым мученикам Флору и Лавру

Прехвальнии мученицы Флоре и Лавре, вас не земля потаила есть, но небо прият вы, во еже быти вам молитвенники и предстатели о чтущих с любовию честную память вашу. Молитеся же за ны, трудолюбцы незлобивии, да подвигнет Господь и нас, в трудех и утеснении сущих, к деланию заповедей Его, да не токмо о пищи и питии, но и о еже како угодити Господеви попечемся; споболите печалем и воздыханием нашим, и да не озлобятся до конца души наша, но да возгорятся любовию друг ко другу, да пребудем в мире и единомыслии, якоже и вы, самобратнии блаженнии. Наипаче же утвердите ны в вере святей и правей, юже имуще в сердцам наших, не устрашимся в поношении и унижении и всяких обстояниих, имиже одержими есмы, но, яко испытание силы веры нашея с благодарением сие приимше, доброе исповедание соблюдем, в немже и прейдем от юдоли сей в вечное Царствие Господа нашего, Емуже слава и держава во веки веков. Аминь.

Тропарь мученикам Флору и Лавру

Тропарь, глас 4

Преудобренную и богомудрую двоицу пресветлую восхвалим вернии по достоянию, Флора преблаженного и Лавра всечестнаго, иже усердно Троицу Несозданную ясно проповедаста всем. Темже пострадавше до крове, и венцы пресветлыми увязостеся: молитеся Христу Богу, да спасет души наша.

Кондак, глас 8

Яко благочестия мученики, и страдальцы Христовы богомудренны, вселенная преславно почитает Флора и Лавра днесь: яко да улучим благодать и милость молитвами их, и избавимся бед и напастей, гнева же и скорби в день судный.

Молитва | Акафист | Житие | Иконы

Молитвы святых. Святые угодники. Иконы.

Иные православные молитвы, святые угодники, чудотворные иконы:

Молитва ко Пресвятой Богородице Неупиваемая Чаша
Молитва Святому преподобному Паисию Великому
Молитва преподобному Герману Соловецкому
Икона Божией Матери именуемая Благодатное Небо
Симеон Верхотурский
Святитель Никита, епископ Новгородский
Акафист Пресвятой Богородице перед Ея иконой именуемой Абалацкая
Мученик Диомид
Святые равноапостольные Мефодий и Кирилл учители Словенские
Житие и страдание святого священномученика Киприана и святой мученицы Иустины
Мученица Фомаида Александрийская Египетская

Весь Православный раздел ...

... Запомнить сайт ... Ctrl+D




^Наверх