Молитва преподобномученице Евдокии.

Молитва | Акафист | Житие | Иконы

Молитва преподобномученице Евдокии

Молитва
О, всехвальная Христова преподобномученице Евдокие! Ты теплою любовию своею ко Христу Богу, попрала еси козни вражия и обрела еси бесценный бисер Христа и достигла еси Царства Небеснаго, сего ради к тебе припадаю и умиленною душею и сокрушенным сердцем вопию ти, страстотерпице, аз недостойный: Призри с высоты небесныя на мя, боримаго греховными искушеньми, виждь вопль мой: многими грехми и бедами на всяк день враг запинает мя, ища моея погибели. Славная и всехвальная ученице и исповеднице Христова Евдокие! Умоли возлюбившаго тя Христа Бога, да подаст ми оставление многих прегрешений, да укрепит мя благодатию Своею трезвенно и бодренно шествовати путем святых заповедей Его и вселитися во святыя блаженныя небесныя обители, идеже ты со всеми святыми выну радостно славословиши Единосущную Троицу: Отца и Сына и Всесвятаго Духа. Аминь.
 
ТРОПАРЬ, глас 8.
Правостию умною душу твою привязавши в любовь Христову, тленных и красных, и временных забытием претекла еси, яко Слова ученица: пощением страсти первее умертвивши, страдальчески второе врага посрамила еси. Тем Христос сугубых венцев сподоби тя, славная Евдокие, преподобная страстотерпице: моли Христа Бога, спастися душам нашим.

КОНДАК, глас 4.
Во страдании твоем добре подви-завшися, и по смерти нас освещаеши чудес излиянии, всехвальная, верою прибегающих в Божественную церковь твою, и торжествующе молим тя, преподобная мученице Евдокие: да избавимся недуг душевных и чудес благодать почерпнем.

Молитва | Акафист | Житие | Иконы

Молитвы святых. Святые угодники. Иконы.

Иные православные молитвы, святые угодники, чудотворные иконы:

Икона Божьей Матери именуемая Трех радостей
Икона Божьей Матери Калужская
О Псалтири
Акафист Пресвятой Богородице перед Ея иконой именуемой Владимирская
Икона Пресвятой Богородицы именуемая Почаевская
Святые равноапостольные Мефодий и Кирилл учители Словенские
Преподобный Роман Сладкопевец
Акафист преподобному Моисею Угрину
Канон Преподобному Паисею Великому об избавлении от мук умерших без покаяния
Молитва Божией Матери пред иконой Ея Благодатное Небо
Акафист святым безсребренником и чудотворцем Косме и Дамиану Римским
Весь Православный раздел ...



^Наверх