Молитва к Пресвятой Богородице перед Ея иконой, именуемой “Целительница”.

Молитва | Акафист | Житие | Иконы

Молитва к Пресвятой Богородице перед Ея иконой, именуемой “Целительница”

Приими, о Всеблагословенная и Всемощная Госпоже Владычице Богородице Дево, сия молитвы, со слезами Тебе приносимыя от нас, недостойных раб Твоих, ко Твоему цельбоносному образу пение возсылающих со умилением, яко Тебе Самой зде сущей и внемлющей молению нашему. По коемуждо бо прошению исполнение твориши, скорби облегчаеши, немощным здравие даруеши, разслабленныя и недужныя исцеляеши, от бесных бесы прогоняеши, обидимыя от бед избавлявши, прокаженныя очищаеши и малыя дети милуеши: еще же, Госпоже Владычице Богородице, от уз и темниц свобождаеши и всякия многоразличныя страсти врачуеши: вся бо суть возможна ходатайством Твоим к Сыну Твоему, Христу Богу нашему. О Всепетая Мати, Пресвятая Богородице! Не престай молитися о нас, недостойных рабех Твоих, славящих Тя и почитающих Тя, и поклоняющихся со умилением Пречистому образу Твоему, и надежду имущих невозвратну и веру несумненну к Тебе, Приснодеве Преславней и Непорочней, ныне и присно и во веки веков Аминь.

Тропарь Пресвятой Богородице перед Ея иконой, именуемой “Целительница”

Тропарь, глас 4

Яко Пресветлая Звездо, просия Божественными чудесы святый Твой образ “Целительнице”, подаждь убо и нам, Богородице Марие, исцеление недугов душевных и телесных, спасение и велию милость.

Тропарь, глас 1

Любовию, Чистая Дево, Твою святую икону почитающим и Божию Тя истинную Матерь прославляющим и верно поклоняющим ти ся Целительница явися, всякое зло и болезни от сих удаляющая, яко Всемогущая.

Молитва | Акафист | Житие | Иконы

Молитвы святых. Святые угодники. Иконы.

Иные православные молитвы, святые угодники, чудотворные иконы:

Молитва святой мученице княгине Людмиле
Молитва святому мученику Диомиду врачу
Молитва Преподобному Григорию иконописцу Печорскому
Молитвы Святителю Иулиану Кеноманийскому
Молитва святому великомученику Феодору Тирону
Молитвы в продолжении дня
Святой Блаженный Василий Московский чудотворец
князь Александр Невский Икона святому Благоверному князю
Святые бессребреники Косма и Дамиан
Краткое житие преподобного Нила Сорского
Акафист Божией Матери пред иконой Ея Благодатное Небо
Весь Православный раздел ...



^Наверх