Молитва святому священномученику Садоку, епископу Персидскому.

Молитва | Житие

Молитва святому священномученику Садоку, епископу Персидскому


О, преславный священномучениче Садоке и скорый помощниче христианом в болезнех! Верую от всея души и помышления, яко дадеся тебе от Господа дар болящия врачевати и расслабленныя укрепляти. Сего ради к тебе, яко благодатному врачу болезней, аз немощный прибегаю и, твой досточтимый образ с благоговением лобызая, молюся: твоим предстательством у Царя Небеснаго испроси мне болящему исцеление от удручающия мя болезни, аще бо и недостоин есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна твоего заступления чрез мое обращение от злых дел к благому житию, уврачуй обильно дарованною тебе благодатию язвы и струпы души и тела моего, даруй ми здравие и спасение и во всем благое поспешение, да тако, тихое и безмолвное житие пожив во всяком благочестии и чистоте, сподоблюся со всеми святыми славити Всесвятое имя Отца и Сына и Святаго Духа. Аминь.

ТРОПАРЬ, ГЛАС 4

И нравом причастник, и престолом наместник апостолом быв, деяние обрел еси, Богодухновенне, в видения восход; сего ради слово истины исправляя, и веры ради пострадал еси даже до крове, священномучениче Садоке, моли Христа Бога спастися душам нашим.

КОНДАК, ГЛАС 4

Владычню речению усердно в подобстве последова, яко убо пастырь добрый душу свою за Христовы овцы положил еси, священномучениче Садоке, молим тя, многострадальне, моли пастырем начальника Христа и нас причести деснаго овец стояния, да воспоем ти: радуйся, священный отче Садоке, иже за Христа кровь свою излиявый.

Молитва | Житие

Молитвы святых. Святые угодники. Иконы.

Иные православные молитвы, святые угодники, чудотворные иконы:

Молитва перед Смоленской иконой Пресвятой Богородицы именуемой Смоленская Одигитрия
Молитвы Пресвятой Богородице именуемой Спасительница утопающих
Молитвы к Пресвятой Богородице перед Ея иконой именуемой Скоропослушница
Козельщанская икона Божией Матери
Акафист Пресвятой Богородице именуемой Спасительница утопающих
Житие Пресвятой Богородицы именуемая Умягчение злых сердец или Семистрельная
Святые мученики Флор и Лавр
Святой благоверный князь Даниил Московский
Иконы святителю Иннокентию Московскому
Ватопедская икона Божией Матери именуемая Отрада или Утешение
Акафист Пресвятой Богородице перед Ея иконой именуемой Калужская

Весь Православный раздел ...

... Запомнить сайт ... Ctrl+D




^Наверх